సిలువపై యేసు మాటలెక్కడున్నాయి? సిలువపై ఏడు మాటలెక్కడున్నాయి?

లూకా, లూకా, యోహాను, మధ్యలో మత్తయి

యోహాను, యోహాను, లూకాలో చూడబ్బాయి!

లూకా, లూకా, యోహాను, మధ్యలో మార్కు

యోహాను, యోహాను, లూకాలో చూడమ్మాయి!

 1. మొదటి మాట క్షమించుము – రెండవది పరదైసు – మూడవది కుమారుడు

నాల్గవది ఏలీ ఏలీ – ఏలీ, ఏలీ, లామా, సబక్తాని,

దేవా, దేవా, నన్నేల విడనాడితివి? //సిలువపై//

2. ఐదవది దప్పిక – ఆరవది సమాప్తము – ఏడవది నా ఆత్మను అప్పగించుచున్నాను

తండ్రీ… నా ఆత్మను… నీ చేతికి అప్పగించుచున్నాను //సిలువపై//

సిలువపై యేసు క్రీస్తు పలికిన 1 వ మాట: క్షమ సువార్త

లూకా Luk 23:34  యేసు - తండ్రీ, వీరేమి చేయుచున్నారో వీరెరుగరు గనుక వీరిని క్షమించుమని చెప్పెను.

(సింహాసనం పైనుండి వచ్చిన క్షమాపణ కంటే సిలువ పైనుండి వచ్చిన క్షమాపణ గొప్పది)

వీరేమి చేయుచున్నారో వీరెరుగరు:

అవును, నిజంగానే వారు ఏం చేస్తున్నారో వారు ఎరుగరు. ఆనాటి యూదులు ఎరగక చేసారు గనుక వారు ఆ క్షమాపణ పొందటానికి వారు అర్హులే. ఈనాటి క్రైస్తవులు అంతా ఎరిగి, అంటే దేవుని ప్రేమను, ఆయన శక్తిని, ఆయన పరిశుద్ధతను అంతా ఎరిగి కూడా తమ క్రియల ద్వారా యేసు క్రీస్తును మరల సిలువ వేస్తున్నారు. పరిశుధ్ధాత్మకు వ్యతిరేకంగా పాపాలు చేస్తూ, మరణకరమైన పాప కార్యాల్లో మునిగిపోతూ పరలోకపు తండ్రి క్షమాపణకు దూరం అయిపోతున్నారు.

(A) వీరేమి చేయుచున్నారో వీరెరుగరు:

అపొ. కార్య Act 3:13  అబ్రాహాము ఇస్సాకు యాకోబు అనువారి దేవుడు, అనగా మన పితరుల దేవుడు తన సేవకుడైన యేసును మహిమపరచియున్నాడు; మీరాయనను అప్పగించితిరి, పిలాతు ఆయనను విడుదల చేయుటకు నిశ్చయించినప్పుడు మీరు అతనియెదుట ఆయనను నిరాకరించితిరి. 3:14  మీరు పరిశుద్ధుడును నీతిమంతుడునైన వాని నిరాకరించి, నరహంతకుడైన మనుష్యుని మీకు అనుగ్రహింపుమని అడిగితిరి. 3:15  మీరు జీవాధిపతిని చంపితిరి గాని దేవుడు ఆయనను మృతులలోనుండి లేపెను; అందుకుమేము సాక్ష్యులము. 3:17  సహోదరులారా, మీరును మీ అధికారులును తెలియక చేసితిరని నాకు తెలియును.

అపొ. కార్య Act 13:26  సహోదరులారా, అబ్రాహాము వంశస్థులారా, దేవునికి భయపడు వారలారా, యీ రక్షణ వాక్యము మనయొద్దకు పంపబడియున్నది. 13:27  యెరూషలేములో కాపురముండువారును, వారి అధికారులును, ఆయననైనను, ప్రతి విశ్రాంతిదినమున చదవబడుచున్న ప్రవక్తల వచనములనైనను గ్రహింపక, ఆయనకు శిక్ష విధించుటచేత ఆ వచనములను నెరవేర్చిరి.

యోహాను Joh 16:1  మీరు అభ్యంతరపడకుండవలెనని యీ మాటలు మీతో చెప్పుచున్నాను. 16:2  వారు మిమ్మును సమాజ మందిరములలో నుండి వెలివేయుదురు; మిమ్మును చంపు ప్రతివాడు తాను దేవునికి సేవచేయుచున్నాడని అనుకొను కాలము వచ్చుచున్నది. 16:3  వారు తండ్రిని నన్నును తెలిసికొనలేదు గనుక ఈలాగు చేయుదురు.

1 కొరింథీ 1Co 2:7  దేవుని జ్ఞానము మర్మమైనట్టుగా బోధించుచున్నాము; ఈ జ్ఞానము మరుగైయుండెను. జగదుత్పత్తికి ముందుగానే దీనిని దేవుడు మన మహిమ నిమిత్తము నియమించెను. 2:8  అది లోకాధికారులలో ఎవనికిని తెలియదు; అది వారికి తెలిసియుండినయెడల మహిమా స్వరూపియుగు ప్రభువును సిలువవేయక పోయియుందురు.

లేవీ Lev 5:17  చేయకూడదని యెహోవా ఆజ్ఞాపించినవాటిలో దేని నైనను చేసి ఒకడు పాపియైనయెడల అది పొరబాటున జరిగినను అతడు అపరాధియై తన దోషమునకు శిక్ష భరిం చును. 5:18  కావున నీవు ఏర్పరచిన వెలచొప్పున మందలో నుండి నిర్దోషమైన పొట్టేలును అపరాధపరిహారార్థబలిగా అతడు యాజకునియొద్దకు తీసికొనిరావలెను. అతడు తెలియకయే పొరబాటున చేసిన తప్పునుగూర్చి యాజకుడు అతని నిమిత్తము ప్రాయశ్చిత్తము చేయగా అతనికి క్షమాపణ కలుగును. 5:19  అది అపరాధపరిహారార్థబలి. అతడు యెహోవాకు విరోధముగా అపరాధము చేసినది వాస్తవము.

1 తిమోతి 1Ti 1:12  12-13. పూర్వము దూషకుడను హింసకుడను హానికరుడనైన నన్ను తన పరిచర్యకు నియమించి నమ్మకమైన వానిగా ఎంచినందుకు నన్ను బలపరచిన మన ప్రభువైన క్రీస్తుయేసుకు కృతజ్ఞుడనై యున్నాను. తెలియక అవిశ్వాసము వలన చేసితిని గనుక కనికరింపబడితిని.

(B) అన్నీ తెలిసి తప్పిపోయేవారి సంగతి ఏమిటి?

హెబ్రీ Heb 6:4  ఒకసారి వెలిగింపబడి, పరలోకసంబంధమైన వరమును రూచిచూచి, పరి శుద్ధాత్మలో పాలివారై 6:5  దేవుని దివ్యవాక్యమును రాబోవు యుగసంబంధమైన శక్తుల (ప్రభావమును) అనుభవించిన తరువాత 6:6  తప్పిపోయినవారు తమ విషయములో దేవుని కుమారుని మరల సిలువ వేయుచు, బాహాటముగా అవమానపరచుచున్నారు గనుక మారుమనస్సు పొందునట్లు అట్టి వారిని మరల నూతనపరచుట అసాధ్యము.

హెబ్రీ Heb 10:26  మనము సత్యమునుగూర్చి అనుభవజ్ఞానము పొందిన తరువాత బుద్ధిపూర్వకముగా పాపము చేసినయెడల పాపములకు బలియికను ఉండదు గాని 10:27  న్యాయపుతీర్పుకు భయముతో ఎదురుచూచుటయు, విరోధులను దహింపబోవు తీక్షణమైన అగ్నియు నికను ఉండును. 10:28  ఎవడైనను మోషే ధర్మశాస్త్రమును నిరాకరించిన యెడల ఇద్దరు ముగ్గురు సాక్షుల మాటమీద, కనికరింపకుండ వాని చంపించుదురు. 10:29  ఇట్లుండగా దేవుని కుమారుని, పాదములతో త్రొక్కి, తాను పరిశుద్ధపరచబడుటకు సాధనమైన నిబంధన రక్తమును అపవిత్రమైనదిగా ఎంచి, కృపకు మూలమగు ఆత్మను తిరస్కరించినవాడు ఎంత ఎక్కువైన దండనకు పాత్రుడుగా ఎంచబడునని మీకు తోచును?

2 పేతురు 2Pe 2:20  వారు ప్రభువును రక్షకుడునైన యేసుక్రీస్తు విషయమైన అనుభవజ్ఞానముచేత ఈ లోకమాలిన్యములను తప్పించుకొనిన తరువాత మరల వాటిలో చిక్కుబడి వాటిచేత జయింపబడినయెడల, వారి కడవరి స్థితి మొదటి స్థితికంటె మరి చెడ్డదగును. 2:21  వారు నీతిమార్గమును అనుభవపూర్వకముగా తెలిసికొని, తమకు అప్పగింపబడిన పరిశుద్ధమైన ఆజ్ఞనుండి తొలగిపోవుటకంటె ఆ మార్గము అనుభవపూర్వకముగా తెలియకుండటయే వారికి మేలు. 2:22  కుక్క తన వాంతికి తిరిగినట్టును, కడుగబడిన పంది బురదలో దొర్లుటకు మళ్లినట్టును అను నిజమైన సామితె చొప్పున వీరికి సంభవించెను.

సిలువపై యేసు క్రీస్తు పలికిన 2 వ మాట: రక్షణ సువార్త

లూకా Luk 23:42  ఆయనను చూచి - యేసూ, నీవు నీ రాజ్యముతోవచ్చునప్పుడు నన్ను జ్ఞాపకము చేసికొనుమనెను.

లూకా Luk 23:43  అందుకాయన వానితో - నేడు నీవు నాతోకూడ పరదైసులో ఉందువని నిశ్చయముగా నీతో చెప్పుచున్నాననెను.

నెహెమ్యా Neh 13:14  నా దేవా, ఈ విషయములో నన్ను జ్ఞాపకముంచుకొని, నా దేవుని మందిరమునకు దాని ఆచారముల జరుగుబాటునకును నేను చేసిన ఉపకారములను మరువకుండుము.

2 రాజులు 2Ki 20:1  ఆ దినములలో హిజ్కియాకు మరణకరమైన. .. . రోగము కలుగగా, ఆమోజు కుమారుడును ప్రవక్త యునైన యెషయా అతనియొద్దకు వచ్చినీవు మరణమవుచున్నావు, బ్రదుకవు గనుక నీవు నీ యిల్లు చక్కబెట్టుకొనుమని యెహోవా సెలవిచ్చుచున్నాడని చెప్పగా 20:2  అతడు తన ముఖము గోడతట్టు త్రిప్పుకొని 20:3  యెహోవా, యథార్థ హృదయుడనై, సత్యముతో నీ సన్నిధిని నేనెట్లు నడుచు కొంటినో, నీ దృష్టికి అనుకూలముగా సమస్తమును నేనెట్లు జరిగించితినో కృపతో జ్ఞాపకము చేసికొనుమని హిజ్కియా కన్నీళ్లు విడుచుచు యెహోవాను ప్రార్థించెను.

పరదైసు అనేది ప్రభువు కృపకు పాత్రులైన వారు చనిపోయిన తరువాత వెళ్ళి నివసించే తాత్కాలిక పరలోకం. వారు తమ ప్రభువు తమకు ఇవ్వబోయే శాశ్వత పరలో్కానికి అంటే క్రొత్త భూమి, క్రొత్త ఆకాశం అనబడే నిత్య రాజ్యానికి చేరేంతవరకు పరదైసులోనే పరిశుధ్ధుల సహవాసంలో పరమానంద భరితులుగా జీవిస్తూ ఉంటారు. ఈ పరదైసు భూమి క్రింది భాగంలో ఉండేది. యేసు క్రీస్తు సిలువ మీద మరణించిన వెంటనే భూమి క్రింది భాగానికి వెళ్ళి ఆ పరదైసును మధ్యాకాశంలోనికి తీసుకొని వెళ్ళిపోయాడు.

ఎఫెసీ Eph 4:8  అందుచేత ఆయన ఆరోహణమైనప్పుడు చెరను చెరగా పట్టుకొనిపోయి మనుష్యులకు ఈవులను అనుగ్రహించెనని (ప్రవక్త) చెప్పియున్నాడు. 4:9  ఆరోహణమాయెననగా ఆయన భూమియొక్క క్రింది భాగములకుదిగెననియు అర్థమిచ్చుచున్నది గదా. 4:10  దిగినవాడు తానే సమస్తమును నింపునట్లు ఆకాశమండలములన్నిటికంటె మరి పైకి ఆరోహణమైనవాడునై యున్నాడు.

ఎఫెసీ Eph 2:4- 5. అయినను దేవుడు కరుణాసంపన్నుడైయుండి, మనము మన అపరాధములచేత చచ్చినవారమై యుండినప్పుడు సహా, మనయెడల చూపిన తన మహాప్రేమచేత మనలను క్రీస్తుతోకూడ బ్రదికించెను. కృప చేతనే మీరు రక్షింపబడియున్నారు. 2:6  క్రీస్తుయేసునందు ఆయన మనకుచేసిన ఉపకారముద్వారా అత్యధికమైన తన కృపా మహదైశ్వర్యమును రాబోవుయుగములలో కనుపరచు నిమిత్తము, 2:7  క్రీస్తుయేసునందు మనలను ఆయనతోకూడ లేపి, పరలోకమందు ఆయనతోకూడ కూర్చుండబెట్టెను.

ఫిలిప్పీ Php 3:20  మన పౌరస్థితి పరలోకమునందున్నది; అక్కడినుండి ప్రభువైన యేసుక్రీస్తు అను రక్షకుని నిమిత్తము కనిపెట్టుకొనియున్నాము.

కొలొస్సీ Col 3:1  మీరు క్రీస్తుతోకూడ లేపబడినవారైతే పైనున్న వాటినే వెదకుడి, అక్కడ క్రీస్తు దేవుని కుడిపార్శ్వమున కూర్చుండియున్నాడు. 3:2 -3. పైనున్నవాటిమీదనే గాని భూసంబంధమైనవాటిమీద మనస్సు పెట్టుకొనకుడి; ఏలయనగా మీరు మృతిపొందితిరి, మీ జీవము క్రీస్తుతోకూడ దేవునియందు దాచబడియున్నది.

హెబ్రీ Heb 12:22  ఇప్పుడైతే సీమోనను కొండకును జీవముగల దేవుని పట్టణమునకు, అనగా పరలోకపు యెరూషలేముకును, వేవేలకొలది దేవదూతలయొద్దకును, 12:23  పరలోకమందు వ్రాయబడియున్న జ్యేష్ఠుల సంఘమునకును, వారి మహోత్సవమునకును, అందరి న్యాయాధిపతియైన దేవునియొద్దకును, సంపూర్ణసిద్ధి పొందిన నీతిమంతుల ఆత్మలయొద్దకును, 12:24  క్రొత్తనిబంధనకు మధ్యవర్తియైన యేసునొద్దకును, హేబెలుకంటె మరి శ్రేష్ఠముగ పలుకు ప్రోక్షణ రక్తమునకును మీరు వచ్చియున్నారు.

సిలువపై యేసు క్రీస్తు పలికిన 3 వ మాట: రాజ్య సువార్త

యోహాను Joh 19:26  యేసు తన తల్లియు తాను ప్రేమించిన శిష్యుడును దగ్గర నిలుచుండుట చూచి -అమ్మా, యిదిగో నీ కుమారుడు అని తన తల్లితో చెప్పెను; 19:27  తరువాత శిష్యుని చూచి - యిదిగో నీ తల్లి అని చెప్పెను. ఆ గడియనుండి ఆ శిష్యుడు ఆమెను తన యింట చేర్చుకొనెను.

యేసు క్రీస్తు రాజ్యంలో చేరేవారంతా యేసు రక్త సంబంధులు. లోక సంబంధమైన రక్తసంబంధం తాత్కాలికమైనది, బలహీనమైనది. యేసు క్రీస్తులో విశ్వాసం ఉంచేవారంతా ఆయన రాజ్య సంబంధులై ఉంటారు కాబట్టి వారి మధ్య ఉండే యేసు రక్త సంబంధం శాశ్వతమైనది, బహు బలమైనది.

ఎఫెసీ Eph 3:14  ఈ హేతువుచేత పరలోకమునందును భూమిమీదను ఉన్న ప్రతి కుటుంబము ఏ తండ్రినిబట్టి కుటుంబమని పిలువబడుచున్నదో ఆ తండ్రియెదుట నేను మోకాళ్లూని… ప్రార్థించుచున్నాను.

1 కొరింథీ 1Co 12:12  ఏలాగు శరీరము ఏకమై యున్నను అనేకమైన అవయవములు కలిగియున్నదో, యేలాగు శరీరముయొక్క అవయవములన్నియు అనేకములై యున్నను ఒక్క శరీరమై యున్నవో, ఆలాగే క్రీస్తు ఉన్నాడు. 12:13  ఏలాగనగా, యూదులమైనను హెల్లేనీయులమైనను, దాసులమైనను స్వతంత్రులమైనను, మన మందరము ఒక్క శరీరముగా ఉండుటకు ఒక్క ఆత్మయందే బాప్తిస్మము పొందితిమి. మనమందరము ఒక్క ఆత్మను పానము చేసిన వారమైతిమి.

1 తిమోతి 1Ti 5:1  వృద్ధుని గద్దింపక తండ్రిగా భావించి అతని హెచ్చరించుము. 5:2  అన్నదమ్ములని యౌవనస్థులను, తల్లులని వృద్ధస్త్రీలను అక్కచెల్లెండ్లని పూర్ణపవిత్రతతో యౌవనస్త్రీలను హెచ్చరించుము.

గలతీ Gal 6:2  ఒకని భారములనొకడు భరించి యీలాగు క్రీస్తు నియమమును పూర్తిగా నెరవేర్చుడి.

ఫిలేమోను Phm 1:10  8-10. కావున యుక్తమైనదానిగూర్చి నీకాజ్ఞాపించుటకు క్రీస్తునందు నాకు బహు ధైర్యము కలిగియున్నను, వృద్ధుడను, ఇప్పుడు క్రీస్తుయేసు ఖైదినైయున్న పౌలను నేను ప్రేమనుబట్టి వేడుకొనుట మరి మంచిదనుకొని, నా బంధకములలో నేను కనిన నా కుమారుడగు ఒనేసిము కోసరము నిన్ను వేడుకొనుచున్నాను.

యెషయా Isa 58:7  నీ ఆహారము ఆకలిగొనినవారికి పెట్టుటయు నీ రక్త సంబంధికి ముఖము తప్పింపకుండుటయు దిక్కుమాలిన బీదలను నీ యింట చేర్చుకొనుటయు 58:8  వస్త్రహీనుడు నీకు కనబడినప్పుడు వానికి వస్త్రము లిచ్చుటయు ఇదియే గదా నాకిష్టమైన ఉపవాసము?

సిలువపై యేసు క్రీస్తు పలికిన 4 వ మాట: శ్రమ సువార్త

మత్తయి Mat 27:46  ఇంచుమించు మూడుగంటలప్పుడు యేసు - ఏలీ ఏలీ లామా సబక్తానీ అని బిగ్గరగా కేకవేసెను. ఆ మాటకు నా దేవా, నా దేవా, నన్నెందుకు చెయ్యి విడిచితివని అర్థము.

కీర్తన Psa 22:1  నా దేవా నా దేవా, నీవు నన్నేల విడనాడితివి? నన్ను రక్షింపక నా ఆర్తధ్వని వినక నీవేల దూరముగానున్నావు?

(క్రీస్తు ఈ భూమి మీద మానవ జన్మ ధరించడానికి ఇంకా సుమారు వెయ్యి సంవత్సరాల కాలం ఉన్నపుడే ఈ ప్రవచనం ఇవ్వబడింది. అది అక్షరాలా నెరవేరింది.)

విలాప Lam 3:31  ప్రభువు సర్వకాలము విడనాడడు. 3:32  ఆయన బాధపెట్టినను తన కృపాసమృద్ధినిబట్టి జాలి పడును. 3:33  హృదయ పూర్వకముగా ఆయన నరులకు విచారము నైనను బాధనైనను కలుగజేయడు.

హెబ్రీ Heb 12:7  శిక్షాఫలము పొందుటకై మీరు సహించుచున్నారు; దేవుడు కుమారులనుగా మిమ్మును చూచుచున్నాడు. తండ్రి శిక్షింపని కుమారుడెవడు? 12:8  కుమాళ్లయినవారందరు శిక్షలో పాలు పొందుచున్నారు, మీరు పొందనియెడల దుర్బీజులేగాని కుమారులుగారు. 12:9  మరియు శరీరసంబంధులైన తండ్రులు మనకు శిక్షకులై యుండిరి వారియందు భయభక్తులు కలిగియుంటిమి; అట్లయితే ఆత్మలకు తండ్రియైనవానికి మరిఎక్కువగా లోబడి బ్రదుకవలెను గదా? 12:10  వారు కొన్ని దినములమట్టుకు తమ కిష్టమువచ్చినట్టు మనలను శిక్షించిరిగాని మనము తన పరిశుద్ధతలో పాలుపొందవలెనని మన మేలుకొరకే ఆయన శిక్షించుచున్నాడు. 12:11  మరియు ప్రస్తుతమందు సమస్తశిక్షయు దుఃఖకరముగా కనబడునేగాని సంతోషకరముగా కనబడదు. అయినను దానియందు అభ్యాసము కలిగినవారికి అది నీతియను సమాధానకరమైన ఫలమిచ్చును.

యెషయా Isa 53:4  నిశ్చయముగా అతడు మన రోగములను భరించెను మన వ్యసనములను వహించెను అయినను మొత్తబడినవానిగాను దేవునివలన బాధింపబడినవానిగాను శ్రమనొందినవానిగాను మనమతనిని ఎంచితిమి. 53:5  మన యతిక్రమక్రియలనుబట్టి అతడు గాయపరచ బడెను మన దోషములనుబట్టి నలుగగొట్టబడెను మన సమాధానార్థమైన శిక్ష అతనిమీద పడెను అతడు పొందిన దెబ్బలచేత మనకు స్వస్థత కలుగు చున్నది. 53:6  మనమందరము గొఱ్ఱలవలె త్రోవ తప్పిపోతిమి మనలో ప్రతివాడును తనకిష్టమైన త్రోవకు తొలిగెను యెహోవా మన యందరి దోషమును అతనిమీద మోపెను.

మార్కు Mar 14:50  అప్పడు వారందరు ఆయనను విడిచి పారిపోయిరి.

యోహాను Joh 8:29  నన్ను పంపినవాడు నాకు తోడైయున్నాడు; ఆయన కిష్టమైన కార్యము నేనెల్లప్పుడును చేయువాడను గనుక ఆయన నన్ను ఒంటిగా విడిచిపెట్టలేదని చెప్పెను.

Wear the Cross – Bear the Crown

సిలువను భరించు – కిరీటాన్ని ధరించు

No Cross – No Crown

సిలువ (శ్రమలు) నాకొద్దంటే కిరీటం కూడా నాకొద్దన్నట్లే

 సిలువపై యేసు క్రీస్తు పలికిన 5 వ మాట: సజీవ సువార్త

యోహాను Joh 19:28  అటుతరువాత సమస్తమును అప్పటికి సమాప్తమైనదని యేసు ఎరిగి లేఖనము నెరవేరునట్లు - నేను దప్పిగొనుచున్నాననెను.

సజీవంగా ఉన్నవారే దాహం అని అంటారు గాని, చనిపోయిన వారు దాహం అని అనరు. సజీవంగా ఉన్న మనిషికి ఆకలి కలగని పరిస్థితి ఉంటుంది గానీ, దాహం కలగని పరిస్థితి ఉండదు.

కీర్తన Psa 42:1  దుప్పి నీటివాగులకొరకు ఆశపడునట్లు దేవా, నీకొరకు నా ప్రాణము ఆశపడుచున్నది. 42:2  నా ప్రాణము దేవునికొరకు తృష్ణ గొనుచున్నది జీవము గల దేవునికొరకు తృష్ణగొనుచున్నది దేవుని సన్నిధికి నేనేప్పుడు వచ్చెదను? ఆయన సన్నిధిని నేనెప్పుడు కనబడెదను?

కీర్తన Psa 63:1  దేవా, నా దేవుడవు నీవే, వేకువనే నిన్ను వెదకుదును 63:2  నీ బలమును నీ ప్రభావమును చూడవలెనని పరిశుద్ధాలయ మందు నేనెంతో ఆశతో నీతట్టు కని పెట్టియున్నాను. నీళ్లు లేక యెండియున్న దేశమందు నా ప్రాణము నీకొరకు తృష్ణగొనియున్నది నీమీది ఆశచేత నిన్ను చూడవలెనని నా శరీరము కృశించుచున్నది.

యోహాను Joh 7:37  ఆ పండుగలో మహాదినమైన అంత్యదినమున యేసు నిలిచి - ఎవడైన దప్పిగొనిన యెడల నాయెద్దకు వచ్చి దప్పి తీర్చుకొనవలెను. 7:38  నాయందు విశ్వాసముంచువాడెవడో లేఖనము చెప్పినట్టువాని కడుపులోనుండి జీవజలనదులు పారునని బిగ్గరగా చెప్పెను. 7:39  తనయందు విశ్వాసముంచువారు పొందబోవు ఆత్మను గూర్చి ఆయన ఈ మాట చెప్పెను. యేసు ఇంక మహిమపరచబడలేదు గనుక ఆత్మ ఇంకను అనుగ్రహింపబడియుండలేదు.

యెషయా Isa 55:1  దప్పిగొనినవారలారా, నీళ్లయొద్దకు రండి రూకలులేనివారలారా, మీరు వచ్చి కొని భోజనము చేయుడి. రండి, రూకలు లేకపోయినను ఏమియు నియ్యకయే ద్రాక్షారసమును పాలను కొనుడి. 55:2  ఆహారము కానిదానికొరకు మీ రేల రూకలిచ్చెదరు? సంతుష్టి కలుగజేయనిదానికొరకు మీ కష్టార్జితమును ఎందుకు వ్యయపరచెదరు? నా మాట జాగ్రత్తగా ఆలకించి మంచి పదార్థము భుజించుడి మీ ప్రాణముసారమైనదానియందు సుఖింపనియ్యుడి.

దాహం అంటే ఏమిటో యేసు క్రీస్తుకు తెలుసు కాబట్టి ఆయనే మన ఆత్మీయ దాహాన్ని తీర్చగలడు.

యోహాను Joh 4:7  సమరైయ స్త్రీ యెకతె నీళ్లు చేదుకొనుటకు అక్కడికి రాగా యేసు - నాకు దాహమునకిమ్మని ఆమెనడిగెను.

సిలువపై యేసు క్రీస్తు పలికిన 6 వ మాట: విజయ సువార్త లేక సంపూర్ణ సువార్త

యోహాను Joh 19:30  యేసు ఆ చిరక పుచ్చుకొని -సమాప్తమైనదని చెప్పి తల వంచి ఆత్మను అప్పగించెను.

రోమా Rom 10:4  విశ్వసించు ప్రతి వానికి నీతి కలుగుటకై క్రీస్తు ధర్మశాస్త్రమునకు సమాప్తియైయున్నాడు. (It is finished! ఇది ఒక విజయ నినాదం)

కొలొస్సీ Col 2:13  13-15. మరియు అపరాధములవలనను, శరీరమందు సున్నతిపొందకయుండుటవలనను, మీరు మృతులైయుండగా దేవుడు విధిరూపకమైన ఆజ్ఞలవలన మనమీద రుణముగాను మనకు విరోధముగానుండిన పత్రమును మేకులతో సిలువకు కొట్టి, దాని మీద చేవ్రాతను తుడిచివేసి, మనకు అడ్డములేకుండ దానిని ఎత్తివేసి, మన అపరాధములనన్నిటిని క్షమించి ఆయనతోకూడ మిమ్మును జీవింపచేసెను; ఆయన ప్రధానులను అధికారులను నిరాయుధులనుగా చేసి, సిలువచేత జయోత్సవముతో వారిని పట్టి తెచ్చి బాహాటముగా (వేడుకకు) కనుపరచెను.

2 తిమోతి 2Ti 4:7  మంచి పోరాటము పోరాడితిని, నా పరుగు కడముట్టించితిని, విశ్వాసము కాపాడుకొంటిని.

హెబ్రీ Heb 9:26  అట్లయినయెడల జగత్తు పునాదివేయబడినది మొదలుకొని ఆయన అనేక పర్యాయములు శ్రమపడవలసి వచ్చును. అయితే యుగముల సమాప్తియందు తన్నుతానే బలిగా అర్పించుకొనుటవలన పాపనివారణచేయుటకై యొక్కసారే ప్రత్యక్ష పరచబడెను.

ప్రసంగి Ecc 7:8  కార్యారంభముకంటె కార్యాంతము మేలు;

సిలువపై యేసు క్రీస్తు పలికిన 7 వ మాట:నిత్య సువార్త

లూకా Luk 23:46  అప్పుడు యేసు గొప్ప శబ్దముతో కేకవేసి - తండ్రీ, నీ చేతికి నా ఆత్మను అప్పగించుకొనుచున్నాననెను. ఆయన ఈలాగు చెప్పి ప్రాణము విడిచెను.

ఆది Gen 2:7  దేవుడైన యెహోవా నేలమంటితో నరుని నిర్మించి వాని నాసికా రంధ్రములలో జీవవాయువును ఊదగా నరుడు జీవాత్మ ఆయెను.

యోబు Job 27:2  నా ఊపిరి యింకను నాలో పూర్ణముగా ఉండుటను బట్టియుదేవుని ఆత్మ నా నాసికారంధ్రములలో ఉండుటను బట్టియు…

సామెతలు Pro 20:27  నరుని ఆత్మ యెహోవా పెట్టిన దీపము అది అంతరంగము లన్నియు శోధించును.

1 థెస్స 1Th 5:19  ఆత్మను ఆర్పకుడి.

1 కొరింథీ 1Co 6:19  మీ దేహము దేవునివలన మీకు అనుగ్రహింపబడి, మీలోనున్న పరిశుద్ధాత్మకు ఆలయమై యున్నదని మీరెరుగరా?

1 కొరింథీ 1Co 3:16  మీరు దేవుని ఆలయమైయున్నారనియు, దేవుని ఆత్మ మీలో నివసించుచున్నాడనియు మీరెరుగరా?

1పేతురు 1Pe 4:19  కాబట్టి దేవుని చిత్తప్రకారము బాధపడువారు సత్ ప్రవర్తనగలవారై, నమ్మకమైన సృష్టకర్తకు తమ ఆత్మలను అప్పగించు కొనవలెను.

దేవుని పిలుపు God`s Call
A.	ఎవరిని పిలిచాడు?
1.	యెషయా 49: 1	నన్ను పిలిచాడు.	ద్వీపములారా, నా మాట వినుడి, దూరముననున్న జనములారా, ఆలకించుడి, నేను గర్భమున పుట్టగానే యెహోవా నన్ను పిలిచెను
2.	కీర్తనలు 50: 1	అందరినీ పిలిచాడు.	దేవాది దేవుడైన యెహోవా ఆజ్ఞ ఇచ్చుచున్నాడు తూర్పుదిక్కు మొదలుకొని పడమటి దిక్కువరకు భూనివాసులను రమ్మని ఆయన పిలుచుచున్నాడు.
B.	ఎందుకు పిలిచాడు?
1.	1 కొరింథీ 1: 9	సహవాసమునకు పిలిచాడు.	మన ప్రభువైన యేసుక్రీస్తను తన కుమారుని సహవాసమునకు మిమ్మును పిలిచిన దేవుడు నమ్మతగినవాడు.
2.	1 పేతురు 2: 20	సహించుటకు పిలిచాడు.	తప్పితమునకై దెబ్బలు తినినప్పుడు మీరు సహించినయెడల మీకేమి ఘనము? మేలుచేసి బాధపడునప్పుడు మీరు సహించినయెడల అది దేవునికి హితమగును; ఇందుకు మీరు పిలువబడితిరి.
3.	1 కొరింథీ 7: 15 b	సమాధానముగా ఉండుటకు పిలిచాడు.	సమాధానముగా ఉండుటకే దేవుడు మనలను3 పిలిచియున్నాడు.
4.	గలతీ 5: 13	స్వతంత్రులుగా ఉండుటకు పిలిచాడు.	సహోదరులారా, మీరు స్వతంత్రులుగా ఉండుటకు పిలువబడితిరి.
5.	1 పేతురు 3: 9	ఆశీర్వాదమునకు వారసులయ్యేందుకు పిలిచాడు.	ఆశీర్వాదమునకు వారసులవుటకు మీరు పిలువబడితిరి
6.	1 థెస్స 4: 7	పరిశుధ్ధులయ్యేందుకు పిలిచాడు.	పరిశుద్ధులగుటకే దేవుడు మనలను పిలిచెను
7.	1 పేతురు 5: 10	నిత్య మహిమకు పిలిచాడు.	తన నిత్యమహిమకు క్రీస్తునందు మిమ్మును పిలిచిన సర్వకృపానిధియగు దేవుడు, కొంచెము కాలము మీరు శ్రమపడిన పిమ్మట, తానే మిమ్మును పూర్ణులనుగా చేసి స్థిరపరచి బలపరచును.
C.	పిలువబడినవారి బాధ్యతలు ఏమిటి?
1.	ఎఫెసీ 4: 3	పిలుపునకు తగినట్లు నడుచుకోవాలి.	మీరు పిలువబడిన పిలుపుకు తగినట్లుగా దీర్ఘశాంతముతోకూడిన సంపూర్ణవినయముతోను సాత్వికముతోను నడుచుకొనవలెనని ప్రభువునుబట్టి ఖైదినైన నేను మిమ్మును బతిమాలుకొనుచున్నాను.
2.	2 పేతురు 1: 10	ఆ పిలుపును నిశ్చయము చేసుకోవాలి.	మీ పిలుపును ఏర్పాటును నిశ్చయము చేసికొనుటకు మరి జాగ్రత్తపడుడి.